.

Bela, la nova Fenice.

Ma i la ga rifata nel stil '700, ansi falso '700. Na spumilia de candelieri, veludi, palcheti, ciondoli de cristali de Boemia, poltronsine coi bracioli, porte in lustrofin, sofito co le dorature, el mega lampadario co un miler de lampadine...
Insoma un tempio de la mondanità, par tuta la zente siora (o anca finta siora), che va a teatro soratuto par farse vedar, e che tosse o che magna caramele durante la rapresentassion o el concerto, (e che bate sempre le man parchè no i capisse la musica o el drama o la comedia...). .
Invesse el doveva essar un tempio de la musica, che gavesse tegnuo presente tuti i studi fati in sti ultimi trenta, quaranta ani su l' Acustica, sui novi materiali, la geometria de la sala, co novi disegni, posti rassionalmente distribuii par acoglier più spetatori, che aplaude o che disaprova.
Go avuo modo de sentir la Callas, la Carosio, Siepi, Di stefano, la Simionato, la Rizzieri, Mario Rossi, Hermann Scherchen, Yeudi Menhuin, Josè Iturbi (che el gavarà fato quaranta bis), e tanti altri: quel mondo xe inesorabilmente andà col vecio teatro, nol torna più in un teatro rifato falso.
No steme far ricordar quanto belo xe el SUONO vero, natural quelo che se sente diretamente da la vose dei cantanti o dei strumenti, o da un peston su la tola o da na cariola che sfrigola sensa ogio, e no quelo riprodoto che imperversa e ne frastorna da vinti trenta ani sempre più, da la tv, radio, hify, e altre diavolerie eletroniche.

Foto di Aldo e commento di Gianfraball

Home